一粒鐘真人蘇，高一班!

我是一粒鐘真人蘇的忠實支持者，忠實到好幾個月冇見過A小姐都打俾佢叫佢幫我買碟~
晚飯時看到無記的什麼什麼"為生活喝采"，一句講晒，低一班!
好難講無記抄CABLE 的活得很滋味系列，其實可能大家都抄緊外國的消閒節目，但不得不講一句，CABLE 的活得很滋味真係好睇好多!
點解一粒鐘真人蘇好睇咁多?
1. 未受贊助污染
蘇絲黃唔會食完一啖飯即刻拎罐可樂黎飲。因為拍攝時不會刻意瞄著招牌。

2. 主持人的魅力
蘇絲黃,唔駛講啦下嘛? 識飲識食更識講。我深信，讀得書多文筆好，食得野多識比較。

3. 節奏
無記用半粒鐘煮左兩餐行左好多間舖講左好多廢話，CABLE 的節目，悠悠閒閒慢慢來，真正能給我享受的感覺。

4. 有線冇幫蘇絲黃落SOFT
今晚睇無記時我成日都想衝埋去抹下個畫面...... 矇過矇牛呀大佬! 好靚咩羊C奇, 駛唔駛咁打燈呀?

5. 不賣帳
阿蘇送上門環節好好笑!上集燒臘舖連件燒肉都燒唔熟，今集仲絕，拎埋計數機話間店掠水打死都唔會再去，死未!! 好食就好食，唔好食就唔好食，唔好一味讚讚讚讚讚，GOOD! 希望阿蘇唔會因此打罪達官貴人搞到一身蟻 (係, 我深信世途黑暗...... 你點知間舖頭會唔會係咩名緩闊太有勢力人士開)。 900蚊餐飯檯布都唔燙真係好死啦!

希望阿蘇繼續好睇落去! 世上要有呢D 節目先至好睇。唔知邊條MAU利讚成開放電視台廣告法例，搞到處境喜劇要一屋鬍鬚佬薯片，劇中人物要做DHL返到企都拎住件包裹跑黎跑去，手機3D短訊每集出12次...... 這樣或明或暗的廣告遊戲絕不討好，編劇亦難做...... 如果套劇由某品牌汽車SPONSOR, 你夠膽寫劇中人因為架車死火而遲到嗎? 一切都要打關係怕關係藤LUNG瓜瓜LUNG藤，綁手綁腳，有咩好睇?