如果打算看巴別塔又未看的，就別看這篇了。
巴別塔好看，但又沒有想像中好看…… 整齣電影到最後好像有點「妥協」的感覺。整體的感覺是不夠狠。是為免太沉重嗎? 對於統統都大團圓結局，實在太不合情理…… Emilia 回頭找不到兩姊弟，明明都快脫水而死了，轉頭又由個警察交代能找到他歌倆都是奇蹟。沙漠地方，不冷死渴死也很難捱一晝一夜…… 有很多眼鏡蛇和蠍子的。
我是很認真的說，這是常看Discovery Channel 的人都會有的感覺。也許你會說:「在現實中，也會發生奇蹟。」我相信，現實中每天都有奇蹟，但作為一部寫實電影，要拍的不是「真實」，而是「真實感」。在這樣一個光怪陸離的世界，如果電影追求的是「真實」而不是「真實感」，恐怕每一齣都是荒誕電影。
最後，幾乎所有的人都得到圓滿的結局：頸部中槍的遊客沒有死去、流落沙漠的人沒有死去、日本女孩和爸爸交心…… 墨西哥女傭非法工作十六年闖出個大禍也可以全身而退返回家鄉…… 太大團圓了吧? 除此以外，我覺得電影是蠻好看的。
受到前兩天蔡琴演唱會效應影響，忍不住撻了阿媽隻"24bit蔡琴經典金曲18首" 黎聽...... 最愛都係呢首"明月千里寄相思".
想當年，應該拎呢隻歌去西班牙喪播...... 遊子在外，感懷身世，懶有mood 抬起頭望住個月光之際，唔駛淨係得"床前明月光 疑是地上霜" 又或者秋官首"月亮光光 月亮光光" 咁寡嘛!
明月千里寄相思
作詞：金流 作曲：金流
夜色茫茫罩四周 天邊新月如鉤
回憶往事恍如夢 重尋夢境何處求
人隔千里路悠悠 未曾遙問心已愁
請明月代問候
思念的人兒淚常流
月色濛濛夜未盡 周遭寂寞寧靜
桌上寒燈光不明 伴我獨坐孤苦零
人隔千里無音訊 卻待遙問終無憑
請明月代傳信
寄我片紙兒慰離情
今天晚上和媽媽去看蔡琴的演唱會，一流。
到目前為止印象最深刻的幾個演唱會，好像通通都是國語勢力: 2002年的齊豫演唱會, 2005年的羅大佑, 去年的孫燕姿,和今天晚上的蔡琴,都給我美好的回憶。
多得鄭太多年來的薰陶教導，今晚大部份的歌都聽過，只是不懂得歌名吧；連蔡琴說也說不是太多人懂得的"意難忘”"神秘女郎"我也認得旋律，哈哈!
蔡琴的嗓子真的一流。那些常說什麼容祖兒唱歌好聽唱現場穩定的人，大概得買張齊豫或是蔡琴的cd 聽聽...... 前者高音清, 後者低音準。唱歌，不是把音調唱出了，不走音，就叫好。唱歌要感情要投入，唱現場除出要穩定，還得投入的去演繹，賦予歌曲生命...... 容祖兒做得到嗎? 聽她和王傑唱"還有"，難聽到呢......
除了演繹歌曲，蔡琴在台上風趣幽默，絕對壓場...... 人家連唸贊助商名單也講求拍子和節奏的，這樣子才是真正的熱愛音樂。這樣子才配得上請人家尊重她的音樂。
剛才在CCTV 看到了賈章柯的訪問, 談到他拍"三峽好人", 他說了幾句話, 叫我很感動. 引述如下, 當然與原文有點出入(你唔係信我記性好到可以一字不漏背出黎下嘛):
"我覺得近年中國的電影欠缺了人性, 踏實...... 這幾年的中國人好像只會飛來飛去的"
"這是個娛樂起飛的時代, 但叫我更擔心...... 我希望中國的電影能包括嚴肅的, 甚至沉重的題材......"
賈章柯2006年喪父, 他覺得人生從此有所變化, 從承擔責任開始,從家庭, 電影以至傳承中華文化都肩負了使命.
早前因為怕累, 沒有去看"三峽好人", 有點內咎. 更悲哀的是, 當年賈導因為看了"黃土地", 才立志要當導演. 由陳凱歌導演, 張藝謀攝影的"黃土地", 今時今日吊起張柏芝飛上的的陳凱歌, 拍滿城盡是奶黃包的張大導. 唏噓.
很無聊，今天跑到金鐘和銅鑼灣，到SPACE 報了名和換了去年9月就應該換的雪糕機。天寒地凍拎住部雪糕機，絕。這兩樣事情，找天感謝日早點收工去做就可以了，用不著特地跑出去做，無聊。
下午4點連跑帶跳的衝到皇室希望看4:10 的巴別塔，居然一．個．位．都．冇!7點場也只剩一個位，真夠爆。
白白跑了一趟，早知道留在金鐘吃TRIPLE O。
於是去了UCC CAFÉ，用66元吃了不好吃的三文魚菠菜湯意粉，口淡無味。
去配了ACUVUE MOIST，兩盒埋單HK$450，即代表從此每年要駛5400 戴銀鏡，很貴。
--> 因為這些事情都令我很不爽，所以我開了一包卡樂B芝士火鍋味薯片，一次過隊晒。
今天，我唯一看了的電影是柔道龍虎榜，都OK。很想笑，可不不以找個人扮下白痴TUM 下我開心。
很悶
紅色代表好唔掂
綠色代表一般般
其餘都代表睇得開心
24套戲, 一套一般般, 4套失望, 其實都唔算太多...... 這代表:
a. 我揀戲愈來愈有一手
b. 愈來愈揀戲睇, 同時可能錯過好多好戲
c. 睇少套港產片, 出事機會少一點
d. all of the above
無論如何，一年只看一齣港產片，令我非常之咁心寒...... 無論如何, 農曆新年要支持一齣港產電影...... 咪住, 咪即係要睇鄭中基or 雙子神偷? 咁, 都係諗諗先......
春田花花同學會
居然成為我今年唯一支持的港產片! 可悲! 一般好睇咋陰功! 零碎得來不太特別，沒有深刻動人的情節…… 散修修得黎搶眼就話o者，拍成咁，失敗!
少年馴象師
好看，很動人。繼續支持柳樂優彌!
木偶迷城
悶到爆…… 呢d 恩怨情仇的故事，如果沒有木偶的gimmick，一定不會進場!
魔幻王國：獅子‧女巫‧魔衣櫥
ok 啦, 年卅晚成班朋友開開心心睇齣熱鬧戲。
歌舞廳最後一夜
正! 好好睇! 我愛musical!
傲慢與偏見
好睇，好靚。Keira Knightley 的古裝較Gwyneth Paltrow 好看很多，對這個女生的感覺愈來愈好。
獸猛猛奇兵
悶到抽筋，訓左。
暗湧
望住個片名，再望埋演員名單，我先省起自己睇過呢套戲…… 簡直零印象。極度失望。呢個世界冇左呢齣戲都冇咩所謂。白白浪費了我的時間。點解咁嬲? 因為有所期待!!!! 因為那是曾經導演超好睇"69兩頭勾" 的導演!!! 整齣咁既戲出黎…… 失色!
半熟爸爸
自然，流暢，反思，好看。我和茱茱有個約會 得意，好玩，好睇。
狼羊物語
失望。配音不知所謂。唔該下次搵番d 專業人士去配，林曉峰配得一d 都唔投入, 呃錢交行貨。
加勒比海盜：決戰魔盜王
娛樂性豐富，睇得幾開心!
瘋狂的石頭
正! 勁! 好正! 好勁! (之前寫過喇, 唔識再加, 總之好睇!)
兩生花
靚,靚,靚…… 唔怪得咁多人鍾意阿大師啦, 咁益d 麻甩仔法……
死亡筆記 好睇!
死亡筆記:最後的名字 下集更好睇!
穿Prada的惡魔
較想像中好睇
花樣奇緣
勁好睇! 大家都要好似桃子咁不怕逆景! 前路總有希望!!!
浮花
睇完真係開心到喊…… 不枉我學西班牙文呀!
絕望真相
恐怖過恐怖片
大狗民
特別的戲給特別的你，非常唔錯!
死亡魔法
好玄疑呀! 真係估佢唔到, 好睇!
陽光小小姐
開開心心幾好睇，不過沒有為我帶來太多反思(也許因為我家太幸福)
戀愛夢遊中
好開心，好喜歡呢類片種。
我左眼發左炎!
由1230 等到1400，卒之俾我睇到阿醫生...... 醫生明明叫"張明權", 尋晚鄭太又話佢叫"張叔權"...... 好明顯, 阿媽係將佢同"張叔平" 調轉左, 呢d 就係睇得娛樂版多既禍害喇!
今日登記時，睇到醫生接受AIA, CMG,UMP,ALLIED, STANDARD CHARTERED SENIOR, 當然仲有BUPA, 當中最"熱門" 的又算BUPA, 全程聽到D姑娘同 BUPA果邊電話來往. 雖則過左PROBATION, 唯醫療卡未到手, 唯有乖乖送上 650 大洋...... 今個weekend 又睇左800 蚊醫生, 真係多災多難~
由於太無聊, 所以"等位"時我不時留意下身邊的病人...... 除左我隻眼紅左之外，個個望落都冇咩事，有個伯伯仲睇penguin classic tim! 你諗下d fonts 幾咁細粒...... 睇到penguin classic wow, 隻眼點會有事???
2007年，我要進行"窮人自學計劃"!
我三時五刻都會"戚" 起條根想讀番個master~ 之前一直內心鬥爭，到底讀個master of marketing 好? 定係 master of translation 呢? 無論讀咩都好，大前提係" 我唔要用錢買張cert!"
尋晚又搜尋各大專之master 課程...... 一個credit 2700，讀30個盛惠81000，仲未計某幾個特別貴的credit...... 看見這樣的學費計算，真的愈看愈心寒...... 是否要帶八達通上堂, dood 錢過左數先可以上?
由於實在沒有能力月供5000 返學，於是我決定實踐窮人自學計劃! 此話何解? 就係我會找出一個master 的syllabus 和參考書籍，按著有關進度學習...... 假如有咩唔識，就上網問人! 假以時日，用自己既能力去完成一個master course!
之但係，冇cert 點樣去證明我已經有master 既學識呢? 嘩哈哈, 等我學成之後，向各大學報投稿，一經刊登，仲唔哈哈哈...... 寫到呢度，大家應該知道世界上除左發窮惡之外，仲有一樣野叫做發窮癲......
