http://loretteroberts.com/watercolours_sketches_1.html
今天在大業的最新發現......
枉我做了兩年多三年的書籍推廣...... 靚成咁既畫集之前居然一直都唔知唔識, 汗顏呀!!!!!
衷心推薦大家去page one 行個轉拎 LORETTE ROBERTS 的畫冊看看...... 真係好好好靚呀!!!!!
我都要俾心機學畫畫!!!!!!!
** 剛剛打電話去PICTURE THIS GALLERY, 咁夜居然都有人聽! 佢話MS ROBERTS 個展覽星期二D 畫都仲O係度架! 不過去到6PM 咋, 到時打電話去再求情!!!
趁家人不在家，大玩刺蝟廚房。是日菜單包括：
1. 可樂雞翼 (簡直係我的撚手小菜!)
2. 豆豉鯪魚炒油墨菜 (因為前幾天在外面吃到酸的豆豉鯪魚，所以很想自己再煮過。)
3. 黃瓜赤小豆紅蘿蔔煲豬軟骨 (d 西施骨實在太大舊，又想有d 骨wow, 咪揀左豬軟骨lor!)
味道嘛...... 當然是可樂雞翼最有保證啦! 大家有否留意我的菜單完全不牽涉調味程序? 哈哈，因為我屋企一向係" 無飯家庭"，糖油鹽一律欠奉，又冇理由為一餐飯買咁多調味料架，所以咪就係咁lor! 而家就為呢3個菜式review 下:
可樂雞翼: 最好味亦最簡單! 一枝李錦記豉油雞汁+半罐可樂再掟埋d 翼落去，搞掂!
菜菜仔: 都ok 架, 不過略咸。今之落左一罐魚+一棵大油墨菜, 唔夠食呀d 菜! 一個人都食到一棵, 兩個人可以食兩至三棵，魚就其實一棵跟1/3 罐魚都已經夠晒。A先生話"咁你剩番半罐都冇用架啦!" 刺蝟話" 梗唔係, 一罐罐頭分幾餐食lor! 好慳架!" 呢度菜真係好慳架, 連油都唔駛用, 用番d 魚本身d 油已經足晒!
湯湯: 因為懶得搵煲，於是搵個電子阿char 煲湯，出事喇! 煲左3-4粒鐘d 紅蘿蔔都唔"林"...... 有人咁ARM 第二日o係自己屋企又係飲類似的湯水，問佢邊bo 好飲d, 佢話:" 味道就屋企果bo好d 既, 但如果講感覺呢, 就兩bo 都咁好飲......"
愈來愈識講野呀!
各位同學, 小心身體呀!!!
晚上9-11點爲免疫系統（淋巴）排毒時間，此段時間應安靜或聽音樂
晚間11-淩晨1點，肝的排毒，需在熟睡中進行。
淩晨1-3點，膽的排毒，亦同。
淩晨3-5點，肺的排毒。此即爲何咳嗽的人在這段時間咳得最劇烈，因排毒動作已走到肺；不應用止咳藥，以免抑制廢積物的排除。
淩晨5-7點，大腸的排毒，應上廁所排便。
淩晨7-9點，小腸大量吸收營養的時段，應吃早餐。 療病者最好早吃，在６點半前，養生者在７點半前，不吃早餐者應改變習慣，即使拖到9、10點吃都比不吃好。
半夜至淩晨４點爲脊椎造血時段，必須熟睡，不宜熬夜。
陳綺貞是最叫我感動的填詞人. 很喜歡這首小塵埃.
小塵埃 - 陳綺貞
作詞：陳綺貞 作曲：陳綺貞 編曲：李雨寰
他在五點十分醒來
他在清晨時候離開
透明的玻璃窗沾滿小塵埃
我在這裡 比黑暗更深的夜裡張開眼睛
陌生人寄來一封信
我在清晨時候醒來
帶著他的暗示離開
在跌倒的地方勇敢站起來我在這裡
我在你昨天的夢裡
一片烏雲 一座神秘的小森林
誰來擁抱我 保護我 傷害我 放棄我
擁抱我 保護我 帶著我逃到黑暗的盡頭
擁抱我 保護我 或是傷害我 放棄我
擁抱我 保護我 帶著我逃到黑暗的盡頭 等著他
他在午夜時分回來
帶著憂傷的歌把回憶敲開
我在這裡 手提著沉重的行李
迷失在我和你未完成的旅行
你在哪裡 一道解不開的謎題
隱藏在我和你未完成的作品
隱藏在我和你未完成的作品
《花樣奇緣》是一個很悲慘很悲慘的故事：
一個從小缺乏父愛的女生，父親從來只照顧患病的妹妹；(被忽視)
長大了，當教師，卻因為用了很無知的方法去維護學生，結果被革除了，還被非禮；（被騙、女權被踐踏）
之後碰到夢想成為作家的男朋友，是變態暴狂；（暴力）
作家男友死後，其死敵為滿足個人欲望，把她收為情婦，最後卻離棄她；(欺騙感情)
難得碰到一個真心願意照顧她的男人，卻又因為之前殺人被判入獄八年。一心一意等出獄再續前緣，到頭來卻發現人家已成家立室擁有美好家庭；（希望幻滅）
重遇自己的學生，走在一起，但最後卻被擺佈為娼為盜; (被利用)
最後被一群無所事事的中學生打死。這一節是最恐怖的，因為箇中沒有戲劇性，而是充滿真實感。就像香港的童黨，覺得活生生把人(甚至是友伴) 打死並不是什麼問題: 視生命如無物，視別人的生存權利如無物，視法律道德為無物，打人殺人只因為空虛沉悶好玩…… 偏偏在日本和香港，一年總會出現好幾次這樣的暴力事件。得人驚。
女性最不幸的遭遇，桃子都遇上了。本來她是個讓人羨慕不已的女生: 樣子甜美、魔鬼身材、歌聲動人，還有個牙齒亮白的英俊少年深深傾慕…… 簡直就是完美人生的結合，卻因為一件小事，因為命運的播弄，接二連三的交上惡運。每次桃子都說:”我的一生真的完蛋了”，但又熬過去了。她總找到生存的方法。到最後一刻，她還想活下去、還想繼續工作，積極正面的。
這樣悲慘的故事，導演用最誇張最爆笑的方法去演繹，叫人不覺沉重。許多畫面設計都充滿驚喜：happy Wednesday 的花花部屋、監獄裡的連場歌健、起床和躺下的連貫動作(很有點”天黑黑 dancer in the dark” 的感覺)、許多的夕陽景致，都很美。構圖和連場歌舞場面設計都很用心。爆笑位實在很多，不能盡錄只能即場感受。真的很好看，但可惜只剩下午間的場次，如果可以的話希望大家也會去看看。
VOLVER 實在好看!
很感動，艾慕度華再次給我欣賞電影的最大歡愉。拍了這樣的一齣好戲，如果他本人在我面前，我會向他下跪然叩頭，感謝他拍了這齣戲。
因為聽到/ 看到一些很重要的對白(而邁克好像又沒有翻出來)，我突然覺得，我的西班牙文是沒有白學的。這是三年多以來我第一次有這樣子的感覺…… 第一次真真正正感覺到我學的西班牙文有用: 是用來感受藝術的。我覺得自己很很很幸福。
漏翻了的對白是：
尾聲媽媽獨自在看電視時，播的是懷舊黑白片，片中有父母和孩子。母親在房內更衣，看表情應該是做了虧心事，而父親在外跟孩子玩，問他有沒有看過《木偶奇遇記》，那個小木偶說謊後鼻子會變長……
這對於整齣戲說來是十分十分重要的。整部電影除了是一個 “VOLVER” 的概念，”謊言” 也佔了一個很重要的席位。整齣戲的女人撒謊都不用編，情理之中意料之外手到拿來流暢自然，簡直是每個女性天賦能力:
明明是死屍的血跡沾到頸上，說是姨媽到(對方身為男人都唔好意思再問，絕!)
為掩飾母親的身份，西班牙婆說自己是俄羅斯婆，仲扮晒蟹唔識聽西班牙文；
囡囡為幫外婆掩飾，說媽媽去阿姨屋企不先掛電話是沒禮貌的；
囡囡殺人滅口神色怪異，阿姨問起咩事時又話”青春期係咁架啦你唔好理我咁多”，咁都得? 絕!
當年有幸旁聽小思的創作課，她說創作最重要的就是”情理之外，意料之中”，這齣戲完全做到了。最奇妙的是，我沒有像平日看電影一樣猜”咦，呢個阿婆到底係人係鬼? 到底死左未死?” 我完全接受由導演帶領我去聽故事，甚至沒有想過去猜。
另外，喜歡這部電影，是因為他又把我帶回西班牙。不只是馬德里繁忙的街道、小鎮的老人與寧靜這些環境描寫，還有Raimunda 這美艷少婦的角色: 她講話的神態語氣，活脫脫就是一個西班牙師奶，有d 神情舉止仲同我當年個host 有d 相似! 放下身段呀佢今次真係!
仲有tv & talk show! 何解在艾慕度華的作品中經常加插電視和清談節目? 因為，西班牙人的確係電．視．精! 甚至比香港人更甚!!! 因為西班牙人大部份在家解決三餐(午飯一般為2:30-4:00，不少人回家午飯的!)，而電視就是用膳良伴，而當地亦非常流行煽情垃圾TALK SHOW!
Raimunda 唱歌的時候，忍不住聽得流淚。歌詞是volver、sentir、vivir，千迴百轉、感受、生存。許多人以為穿著大紅花裙拿個響木跳著舞的才是flamenco，其實這樣子一班人圍著，一個木結他，拍掌，就是最傳統的flamenco gitano。沒有舞蹈，聲音是悲涼蒼茫的，因為吉卜賽人本來就過著流離飄泊的生活。
急不及待要買SOUNDTRACK。很想再看多次。不經不覺，回來已3年了，真的很想念那段逍遙自在的歲月。關於VOLVER，可以寫的大概還有很多。希望你也找個時間去看看。
呢幾日做左miss panadol...... OT 凍親頭痛同女仔痛都算，連牙痛都突襲，仲要襯所有牙醫都休息的星期日攻擊，救命! 好痛呀D 牙肉...... 似乎係刺蝟要出刺蝟齒~
無聊在家看電影一台的頭文字D......
周杰倫=18歲
杜文澤=周杰倫同學=18歲
鍾鎮濤=杜文澤老豆
有話電影業市道不景氣，咁理應好多人冇戲拍，應該係演員SUPPLY > 導演DEMAND...... 睇呢齣戲，仲以香港出現SCARCITY OF PERFORMERS ......
今天跟同事做節食飯，第三天everything going smooth(相信fatal mistake 已在第一天犯了, 哈哈!) ，大家不用擔心!
今天談起煲劇，xo同學說是從當年的90210 開始...... 90210! 嘩嘩嘩，當年我F2! 9千幾年冇人提過呢套劇! 誰知此時此刻，對面海的老細話好欣賞黑色長頭髮女主腳，覺得佢好似周慧敏...... brenda walsh??? vivian chow??? 唔係嘛......
至於我當年的 favourite當然係飾演dylan 的luke perry 喇! 仲要睇埋"buffy the vampire"! 記得當年dylan 好興將工人褲扣一邊唔扣一邊，多麼的瀟灑和不羈，噢! 但
dylan 最大問題在其額頭...... 當年佢其實已經廿到蚊，一個額頭何守信咁既路軌，笑起上黎真係不得了...... 記得某集the simpsons 仲畫左佢滿臉皺紋既衰樣黎玩tim!
近年已經冇煲劇，開口埋口的sex & the city, desperate housewives, 24, lost, 6 feet under 通通冇睇, 頂多睇過下nip/tuck, ally mcbeal, 睇得最多既係america's next top model 同queer eye (因為只有星期日賦閒在家).
中秋佳節，等我回顧下自中學時期開始既西劇狂潮：
1. Bevely Hills 90210 高校貴族- 當時應該係逢星期二晚8:30於國際台播出，屋企人曾經因為覺得內容過份大膽而唔俾我睇，我仲發皮4入房bang 門，哈哈哈!
2. Friends 老友記- 最鍾意ross! 我諗我都係鍾意d 懵盛盛但又有種尊長既男仔，哈! 呢套應該係歷史來追得最勤力既西劇!
3. ER 仁心仁術- 由 season 1 開始追，由中學追到入大學，睇住carter 大睇住carter 壞...... 仲有george clooney...... 永遠記得佢大雨中原子筆插喉一幕! 睇到dr green 病死果集, 真係流左幾滴眼淚，亦係自己所追最後一集: 沒有dr green,已不是er 喇。
4. The Single Guy- 唔記得中文名，淨係記得有mina wan, 同埋好似幾好笑。
5. The X-Files X 檔案- 初期好好睇架我記得! 真係好特別，記得有次有個人全身有砌圖紋身，真係好型! 果陣安室奈美惠又紋左個BARCODE 於手臂，我都真係好想紋番幾塊砌圖or barcode 上身，好正! 後來講太多太多太多外星人事件，好悶，冇再追。
6. The Simpsons 阿森一族- 我好幸福，屋企人唔會堅持睇翡翠劇場，就算爸爸唔識英文，大家一齊睇英文台都冇所謂，最佳例子就係食飯時睇the simpsons! 記得當年atv 翻譯simpsons 既仁兄真係高手黎架!!! simpsons 真係好好笑，亦好勁：記得有集bart 幻想自己化身成世界藝術，仲扮左dali 名作- 一個流動既鐘! 勁勁勁!
7. Tintin 丁丁歷險記 - 睇完tintin，先知原來白羚羊隻漫畫狗豆腐就係丁丁入面隻snowy。以為好多人識tintin，但原來在本港一大型出版社推出tintin 中文版前，有好多人都唔識tintin! 呢套卡通片絕對係學英文首選: 內容豐富, 講得夠慢, 練oral 同listening一流!
8. America's next top model- 阿爸話d 女仔愈來愈醜樣...... 我都係咁話!
9. Queer Eye- 阿媽話如果裝修唔駛錢, 上鏡俾佢影又唔拘wow!
我相信每對情侶都會出現問題，而當問題反反覆覆出現，而又解決不了的時候，可以怎樣?
不知道別人怎樣捱過。劉鎮偉的《超時空要愛》，梁朝偉說情侶有問題是因為一開始大家都掩飾和說謊，然後只會不斷發現對方的缺點，夢想幻滅，感惰也隨之破滅。他認為最好就是一開始大家就坦誠相對(仲要赤條條!)，將所有缺點曝光，看對方是否接受得了。受得了，大家走在一起，然後陸續發現對方的優點，世界會變得更美好。
我覺得，缺點和優點，大家在一開始時已經發現，只是開始的時候忍受得了，往後是否願意繼續忍受又是另一回事。到忍受不了的時候，就是不接受。
今天我又再次生氣。一個星期發三次脾氣，這樣的日子不知我和你還能捱得多久。
早前賦閒在家個多月(其實也不太閒)，偏偏唔見咁多戲睇，而家就通通殺到埋身，真係驚睇唔切!
絕望真相 an inconvenient truth http://www.climatecrisis.net/
好名! 真係好名! 睇完之後d 人仲敢唔敢生仔呢? 雖云兒孫自有兒孫福，但人類到現時還不醒覺，還沒有行動去保護地球，這星球一百年後真的能住人嗎？
VOLVER http://www.clubcultura.com/clubcine/clubcineastas/almodovar/volverlapelicula/index.html
期待已久。LA MALA EDUCACION 與 HABLE CON ELLA 的感覺均不如 TODO SOBRE MI MADRE, 希望這次VOLVER 能給我驚喜! 對"浮花" 這個中文譯名的感覺...... 光聽名字本來覺得蠻美的，但看到海報後，發現只是找隻電腦字體隨隨便便的PASTE 上去，立即覺得失色，簡直不想再提。我明白中文字的字體選擇不如英語，但點解日本仔做廣告可以咁好睇？日本字同樣變化不大! 是時間精神心思品味的問題!
MY SUPER X GIRLFRIEND http://www.mysuperex.com/
UMA THURMAN 好靚呀! 看過TRAILER, 覺得幾得意好笑, 輕輕鬆鬆唔駛用腦!
花樣奇緣
講過唔講lu~
4套戲，映期有限，時間亦有限，點算點算? 時間真的不夠，早前下定決心要再學畫畫，還未付諸行動，真該死! 配音亦應該多多練習。話時話，出多幾期糧之後，我仲想買部有得繡花既衣車玩下...... 好似好好玩呀! 時間同金錢都係愈多愈好!!!
陳奕迅芸芸作品中，最喜歡的是防不勝防和明年今日。防不勝防那種孤寂感覺叫人淒然，更是浪漫得叫人無法抗拒：有人暗暗的對自己好，夠感動夠虛榮吧? 我最喜歡的兩句是:
從你工作間帶走廢紙是我
照著你的筆跡寫封信給我
卑卑微微的偷走一張廢紙，一筆一筆學著字跡，更幻想能與對方溝通，很動人。只可惜現在工作間能帶作的筆跡都是細明體12或標楷體14......
防不勝防 / 黃偉文
為何喝過那杯咖啡無故失終了
家裡卻彷彿增添了數本新書
為何你那床頭玩具熊再找不到
花樽的花偏偏天天轉色
也許這刻你仍然尚未發覺家中有這一個訪客
時時漏夜冒昧探你 將鎖碎東西帶走
然後又放低
在你的唱機放低唱片是我
算是暗中一起分享過首歌
從你的套房帶走被單是我
你睡過的 至少我都睡過
為何那個故障手機無故修好了
梳妝檯怎麼這麼快沒有香水
為何有雨門前就突然有一把傘
相簿的相偏偏天天變少
從你工作間帶走廢紙是我
照著你的筆跡寫封信給我
在你抽屜中放低戒指是我
你就算知 也不會想 是我
Unfinished! Unfinished! Unfinished!
感覺自己還未ready，明天就要返新工! 但就算俾多一個星期我，亦不見得個人會比較ready...
緊張到不能夠，開始有點情緒病發的趨勢，想大跳大叫大喊...... 時間能夠停留在星期一晚上? 明天還有big big challenge~ 如果東西都不懂怎麼辦? 學得不夠快怎麼辦?
怎樣才可以靜下來...... 一開著個電視仲要見到公司廣告，timing 駛唔駛咁夾先???
