金多寶又唔見我中?

大家只要瞪大眼睛就可以知道我填了那幾個號碼，從而亦可以了解一個人間悲劇的誕生...... 金多寶我唔中呀!

今天我貢獻左成一蚊俾馬會架! 六合彩五蚊一注架喎你話! 哈，只要搵多3條友，而其中一個又覺得一定中獎爭住出兩蚊，咁咪可以買一蚊既六合彩咯! 話說回頭，阿大股東一早舖排定8點搭8去8號窗買飛，點知個8號窗淨係現金券同電話投注only~ 於是死死地氣揀7號窗，排到佢時又8點搭7喎...... 結果呢，時間爭5分鐘，中獎號碼亦爭5個咯。
今晚去左越華會食飯，椒鹽鮮魷好香好脆呀! 荷葉飯呢，始終東寶較出色；粉絲雜菜煲幾豐富，個湯幾好味；蜜餞蒜香骨個汁味道一般，而且凍左之後仲"鯨"晒好似啫喱咁，唔掂~

至於左圖的南瓜露，並非越華會出品，而係旁邊的小甜甜。味道ok，但好稀呀! 反而酒釀丸子味道不俗，不過丸子好似太多~