我的記事簿

昨天晚上，在小雪人的陪同下，刺蝟大王買了2008年的記事簿，差不多要100個大洋，好大手筆呀今次! 不過真係好靚嘛，一年一次，冇所謂啦，呵呵! 你看，封面充滿懷舊法國童趣的味道...... 你聞到嗎?


封底也很漂亮~

內頁當然唔駛講，都係靚啦!

今天心血來潮，要回顧一下自己的記事史...... 1994年，我唸中四。這兩本芝麻街記事本，當年的同學仔無不稱讚呢~

原來我也曾經井井有條過......

你看，少年刺蝟的字體多秀麗...... 而且永遠不能停在線上，永遠都是凌空的......

看到這個內頁，你能不心動嗎?

升讀中六那年，手工病發作，一發不可收拾果隻! 這是我用傳統紅黑硬皮+草莓新聞剪貼的日記! 想當年我也曾經喜歡xo的...... 大熱嘛!

雙封面!
有 Yearly Planning!

Monthly Planning!

同埋Weekly Planning! 你話設計係咪PRO 先?

仲可以寫低是日功課，track 住自己完成目標未!

封底有Peko 和幽遊白書裡我最喜歡的小閻君~ 隱約看到紅黑皮簿的真身~

中七那年，走火入魔，自製活頁Organizer!

封底是史樂比，那些woodstocks 很可愛呢!

一打開，有我當年的至愛...... 當年我曾為另一個A先生著迷呢，哈哈哈! 我想講，呢餅VIDEO，我真係有架!!!

每一頁紙都係自己釘LONE，庇護工場呀! 仲有D 1234字場，係用STENCIL 畫的，仲有植字紙...... 幾大工程!

清楚記錄了我和小雪人去踩車車啊!

想當年的時間表...... 我也忘了自己唸過什麼......

你看，我多愛舒利亞!

封底內頁有點粗糙...... 想當年大咀鳥和樂天熊仔丙都是我的至愛啊!

曾經有一段時間，我非常喜歡BUGS BUNNY。現在也喜歡(兔仔嘛!) ，但沒有當年的迷戀喇...... 現在看來，這本的封面也蠻醜~

內頁還不錯...... 愈來愈求祈喇，隨便寫隻字又當係記事簿...... 畢竟出來工作了，心思和時間都不復當年勇~ 豈有豪情似舊時?

然後，又忍唔住手想用番D 靚野...... 這些在博物館和PageOne 連年不衰的藝術organizer，我也曾經擁有。又大又厚，張張粉紙，百零蚊一本，其實好抵! 不過重成咁，你絕對唔會拎出街

這是我最愛的: The Country Yard of the Hospital~

點解成日都同小雪人踩車車架? 更奇怪的是，兩個都唔係踩得叻架wow!
當然不能忘了"小心點兒"，是小雪人送給我的禮物啊! 硬皮精裝，非常美!

狠狠地 毫無憐憫地 記錄了我們當年闖蕩江湖的點點滴滴，一篇篇由汗水和淚水交織而成的心情札記!