山上團拜

今日係屋企周年山上團拜活動...... 即係拜山，哈哈~ 今年奇事特別多，真的要好好地略記一二：

1. 今日只係農曆初二，正月才剛過，不知何解十萬九千人衝上和合石，上山的路居然塞車!!! 擠塞的程度可以媲美星期六下午1:30 香港仔隧道出中環條線，短短3分鐘路可以變20分鐘，警察叔叔仲企圖阻止我地架"旅遊巴" 登山，一路路車龍比某年"正清"更壯觀!!!

2. 基於我們每年苦苦相勸燃燒膠質會釋放二噁英，婆婆在選擇祭品方面已儘量克制. 之但係，老人家睇嘢同我地又會有d 唔同o既...... 事實上，所有掃了光面油的紙都合重膠質，但阿婆堅持果d 係紙! 最搞笑o既係，當目睹阿婆拎罐溏心鮑魚出黎燒o既時候，我地忍唔住話佢："唔好買呢d 嘢燒啦!" 誰不知阿婆話 :"咩呀, 呢d 好好燒架! 紙黎架!" 嘩嚇得我地，以為佢話" 呢d 嘢好好食架" XD

3. 各單位注意! 我地o係其中一個團拜地點附近發現一棚假牙，over over! 大佬，今勻真係怕你有牙. 誓估唔到插插下香dup 低個頭會見到一副下顎假牙!!! 由於光天化日同人多勢眾o既關係，噁心係遠遠> 恐怖. 我地不斷研究何解有人可以跌左副假牙，有冇可能跌左都唔知呢? 副牙睇落都幾新鮮，牙主應該走左冇耐...... 由於現場屬墓地關係，唔多敢拍照，實屬遺憾......

4. 怕你有牙之下集大結局. 今日真係與假有緣...... 去大排檔晚飯，隔離檯剛剛嘆完紅酒食完海鮮的阿姑居然除副牙出來洗...... 頂，大排檔d 杯share 黎用架wow......