我們兩個人將這大舊飯清了袋！
湯浸魚腐油墨菜，湯的感覺很咪精，魚腐白得恐怖，食落更覺是強烈加工漂染效果!菜 ok!
安格斯牛腩，好美味呀! 好軟綿綿，又夠肉味，HK$68一碟都值!星期五晚，在cafe eos 擺了和頭酒. 從白沙道搬到AIA PLAZA 那邊，地方大了，裝修也更雅致. 整體感覺蠻不錯!
雜菌忌廉湯，味夠濃，唯中間放了一PAT 甜的CREAM，有點格格不入的感覺~
懶得把相調回正確方向喇,哈! 這個咸魚仔芝士蕃茄麵包, 很有西班牙CHEAP CHEAP TAPAS 的感覺!較"原裝入口" 介紹的更ARM FEEL 喇...... TAPAS 從來就是CHEAP CHEAP 的東西, 何苦搞到咁HIGH 咁高貴? 
雞翼好香, 青瓜好甜!
本來驚叫得太多野食唔晒，但呢個煙三文魚西班牙飯PORTION 細細，所以剛好~是西班牙飯而不是海鮮飯，我相信是加了BASIL LEAVE 煮的(當年我的同房煮飯也加這個, 味道似曾相識).
APPLE CRUMBLE, MY FAVOURITE! 可惜唔夠脆...... 恐怕都係一早整定然後焗番熱!
趁家人不在家，大玩刺蝟廚房。是日菜單包括：
1. 可樂雞翼 (簡直係我的撚手小菜!)
2. 豆豉鯪魚炒油墨菜 (因為前幾天在外面吃到酸的豆豉鯪魚，所以很想自己再煮過。)
3. 黃瓜赤小豆紅蘿蔔煲豬軟骨 (d 西施骨實在太大舊，又想有d 骨wow, 咪揀左豬軟骨lor!)
味道嘛...... 當然是可樂雞翼最有保證啦! 大家有否留意我的菜單完全不牽涉調味程序? 哈哈，因為我屋企一向係" 無飯家庭"，糖油鹽一律欠奉，又冇理由為一餐飯買咁多調味料架，所以咪就係咁lor! 而家就為呢3個菜式review 下:
可樂雞翼: 最好味亦最簡單! 一枝李錦記豉油雞汁+半罐可樂再掟埋d 翼落去，搞掂!
菜菜仔: 都ok 架, 不過略咸。今之落左一罐魚+一棵大油墨菜, 唔夠食呀d 菜! 一個人都食到一棵, 兩個人可以食兩至三棵，魚就其實一棵跟1/3 罐魚都已經夠晒。A先生話"咁你剩番半罐都冇用架啦!" 刺蝟話" 梗唔係, 一罐罐頭分幾餐食lor! 好慳架!" 呢度菜真係好慳架, 連油都唔駛用, 用番d 魚本身d 油已經足晒!
湯湯: 因為懶得搵煲，於是搵個電子阿char 煲湯，出事喇! 煲左3-4粒鐘d 紅蘿蔔都唔"林"...... 有人咁ARM 第二日o係自己屋企又係飲類似的湯水，問佢邊bo 好飲d, 佢話:" 味道就屋企果bo好d 既, 但如果講感覺呢, 就兩bo 都咁好飲......"
愈來愈識講野呀!
http://www.tripleo.com.hk/menu.php
O Triple O's!
曾經有營養師說過，除非人身處沙漠陷入險境別無去路，否則，絕對絕對不應吃快餐。
看完supersize me 後，自己亦曾下定決心要戒垃圾食物...... 肥都事少，命仔緊要，下下生吞成舊脂肪成舊膽固醇，真係唔講得少...... 之但係，今日又破戒喇!!!
阿蘇之前曾經推介金鐘pacific place 樓下的 triple o's，話d burger 夠juicy，一直都冇試過，今日試左mushroom burger，真係正喎! 因為唔飲汽水飲鮮橙汁，埋單1burger +1 fries+1 juice 盛惠$81，都幾貴~ 之但係，因為個burger 的質素絕對超越快餐店水平，當入餐廳食，都ok呀! (因為唔係自己既錢，所以食完之後不斷諗個藉口話ok, 哈哈~)
好! 我要下定決心!今個月的麥當當/kfc/ 薯片/ 可樂 quota 全部爆晒! 有咩都要留番下個月!!!
直程係世界上最好食既燒雞翼!!!
我知道，在我還沒有品嚐過世界上所有燒雞翼的時候，我沒有資格說這句話。
可是，我實在忍不住要作這樣大膽的一個假設......而我打從心底裡相信這個假設是成立的!
嘩~第一口咬下去...... 實在太美妙了! 皮脆一若脆皮燒鵝，但亳無多餘脂肪，肉質嫩滑。皮脆肉嫩呢幾個字，寫就易！燒雞翼燒到呢個境界，真係冇得頂！
一隻雞翼賣4塊馬幣，即港幣8大洋，在馬來西亞6元港幣已經可以吃一碗LAKSA 了，可見這隻雞翼身價之高(擺香港呢個價錢都嫌貴啦!) 。不過，值架!!! JALAN ALOR 的黃亞華，雖然你一隻雞翼賣8蚊，一隻蝦又賣8蚊，一杯清茶收我錢，一坐低你行埋黎擺低包濕紙巾原來又收我錢，不過，如果我有機會再去吉隆坡，一定會再去搵你，心甘情願俾你屈!
