很難聽的演唱會

今天晚上看李黑人的演唱會，睡了半場.

歌，唱得不太好；一開始的演奏廳不知何解唱得非常十分之用力，近乎逐粒字逐粒字"dung" 出來，非常哽耳．

製作編排，歌迷會水平而已. 不知第3還是第4首歌已是握手位，成晚左騰右騰逗利是，仲夠膽死話"我想咩都唔做，淨係唱好歌俾大家聽"．頂，虧你講得出口．你同人握手俾人扯住又要行黎行去，邊會唱得好隻歌呢請問?

果隊趙嬉嬉大樂隊，我頂你個肺，d管樂湊天鵝湖又係嚇死你，又係一粒粒音"dung" 出黎，非常得人驚...... 唔知佢係想特登定係點，總之聽到打冷震!!!

本來想介紹多d 樂器都唔錯，奈何最終都淪為低俗趣味. 介紹喇叭要講"小喇叭"，要d 樂手倒樂器入面d 口水落量杯度，要嗩吶樂手奏馬匹交配聲...... 只不過通通為帶出低俗趣味搞爛gag；介紹樂器只是低下品味的引子，乞人憎到爆...... 不愧為tvv 契仔，風格如出一徹，cheap!

其實，想同樂迷親近一點，點解唔用歌聲呢? 作為歌手，係咪一定要同歌迷握手有肌膚之親方為接觸呢? 你為左握手又唱到甩晒咀又走音，點為之唱好d 歌呢? 我想同贊助商講，呢個演唱會真係唔駛用心聆聽架，我覺得歌手同製作人有心搵笨就真．